काठमाडौं । धनुषामा सवारी दुर्घटना हुँदा ६ जनाको मृत्यु भएको छ । ४ जना घाइते भएका छन् । काठमाडौंबाट झापा जाँदै गरेको बा ९ च ३३१४ नम्बरको जीप शनिबार बिहान धनुषाको गणेशमान चारनाथ नगरपालिका–८ कमलापुलनजिकै दुर्घटना भएको जिल्ला प्रहरी कार्यालय धनुषाले जनाएको छ ।
दुर्घटनामा मोरङकी शारदा रेग्मी दाहाल र पह्लाद न्यौपाने, खेमकुमार रानामगर, संखुवासभाका नयाँराज जिमी, खोटाङका ज्ञानबहादुर चौहान र पाँचथरकी प्रनिता राईको ज्यान गएको प्रहरीले जनाएको छ ।
घाइतेमध्ये १ को अवस्था गम्भीर रहेको र उनको जनकपुर अञ्चल अस्पतालमा उपचार भैरहेको छ ।
