इलाम, चैत ६ । इलाममा चियाको पहिलो टिपाइ सुरु भएको छ । गत कात्तिकदेखि चिया टिप्न छाडिएका बगानमा पुनः मुना पलाउन थालेसँगै टिपाइ सुरु भएको हो ।
जिल्लाका चिया कारखानाले पनि प्रशोधनको तयारी थालेका छन् । चिया टिप्न शुरु भएसँगै मजदुरहरुको व्यस्तता बढेको छ ।
पहिलो उत्पादन गुणस्तरीय हुने भएकाले बजारमा पहुँच बढाउनसमेत चियापत्तीको टिपाई थालिएको हो । यस वर्ष मौसमले पनि चिया किसानलाई साथ दिएको छ ।
चैत अन्तिम साताबाट मात्रै चियापत्तीको टिपाइ सुरु गर्ने गरे पनि यस पटक भने समयमै पानी परेकाले यो वर्ष चैतको सुरुमै चियापत्ती टिपाइ सुरु भएको किसानहरुको भनाइ छ ।