उदयपुर, १२ जेठ ।
उदयपुरको त्रियुगा नगरपालिका ५ मुसहर टोलमा एक युवकले बाँसको भाटाले हिर्काई आफ्नै दाजुको हत्या गरेका छन। त्रियुगा नगरपालिका ५ बस्ने २२ वर्षीय संजिव सदाले आफ्नै दाजु २८ बर्षिय पशुपति सदालाई बाँसको भाटाले टाउकोमा हिर्काई हत्या गरेका हुन।
मदिरा सेवन गरेर आएका संजिवले दाजुसंग विवाद भएपछि भाटाले टाउकोमा हिर्काउँदा पशुपति गम्भीर घाइते भएका थिए। पशुपतिलाई उपचारका लागी जिल्ला अस्ताल पठाइएकोमा उनको उपचार हुँदा हुँदै मृत्यु भएको इलाका प्रहरी कार्यालय जलजलेले जनाएको छ। संजिवलाई प्रहरीले नियन्त्रणमा लिएको छ।
