विराटनगर १० भदौ । मोरङ जिल्लाको कटहरी गाउँपालिका(२ बस्ने राम प्रसाद राजवंशीको २ वर्षकी छोरी नैना राजवंशी घर नजिकै पानी जमेको खाल्डोमा डुबेर ज्यान गएको छ । शनिबार साँझ ५ बजे घर नजिकै खेल्ने क्रममा नैना अचानक पानी जमेको खाल्डोमा खसेपछि स्थानीयले उनलाई उद्दार गरेका थिए ।
बालिकालाई उपचारको लागि कोशी अंचल अस्पताल विराटनगर ल्याउने क्रममा बाटैमा उनको मृत्यु भएको जिल्ला प्रहरी कार्यालय मोरङले जनाएको छ । बालिकाको शव पोष्टमार्टम पश्चात बेलुकी ७ बजे आफन्तलाई बुझाईएको छ ।
