विराटनगर, ३ असोज । जनार्दन मैलानी पत्रकारिता पुरस्कारबाट विराटनगरका सक्रिय पत्रकार गणेश लम्साल पुरस्कृत भएका छन् । आज बिराटनगरमा प्रेस चौतारी र प्रेस सेन्टरले संयुक्त रुपमा कार्यक्रमको आयोजना गरी लम्साललाई पुरस्कृत गरेको हो । पुरस्कार बितरण गर्दै प्रदेश १ का आन्तरिक मामिला तथा कानुनमन्त्री हिक्कत कार्कीले पत्रकारिताको माध्यामबाट समाजको रुपान्तणमा योगदान गर्ने पत्रकारलाई यसरी पुरस्कृत तथा सम्मानित गर्न पाउनु खुसीको कुरा भएको बताए ।
नगद १५ हजार ५ सय ५५ रुपैयाँ नगद सहित दोसल्ला सहित सम्मा गएिको थियो । प्रेस चौतारीले मैनालीको स्मृति दिवसका अवसरमा हरेक वर्ष एकजना पत्रकारलाई सो पुरस्कार प्रदान गर्दै आएकोमा यो बर्ष संबिधान दिवसको अवसरमा प्रदान गरिएको हो । यसअघि ९ जना पत्रकार सो पुरस्कारबाट पुरस्कृत भइसकेको चौतारीका अध्यक्ष रामचन्द्र अधिकारीले जानकारी गराए । लम्साल लामाे समयदेखि विराटनगरमा रहेर पत्रकारिता गर्दै अाएका छन् ।
