ताप्लेजुङमा सालनालसहितको एक शिशु मृत अवस्थामा फेला परेको छ । सदरमुकाम नजिकैको अलैची बगानमा स्थानियवासीले मृतक शिशु फेला पारेको समाचार आजको जनविद्रोह दैनिकले छापेको छ । फुङलिङ ७ शेर्पा टोल नजिकै रहेको भिम गुरुङको अलैचि बगानमा घाँस काट्ने क्रममा उक्त मृत शिशु फेला परेको जिल्ला प्रहरी कार्यालय ताप्लेजुङले जनाएको छ । मंगोलियन अनुहार भएको शिशुलाई कसले फाल्यो भनेर अझै पहिचान हुन नसकेको प्रहरीको भनाई छ । पोस्टमार्टमको लागि जिल्ला अस्पताल लगिएको मृत बालक फाल्नेको खोजि भइरहेको प्रहरीले जनाएको छ ।
