३ जनाको समुहले आज बिहान धनकुटामा ट्रिपर चालकलाई कुटपिट गरि घाईते बनाएको छ । मुर्तीढुङा ९ बाट निगाले सिमेन्ट फ्याक्ट्रीको कच्चा पदार्थ लिएर आउँदै गरेको को १ ख ३६३८ नम्बरको ट्रिपरलाई मुर्तीढुङा ५ मा रोकी त्यसका चालक सोही ठाउँमा बस्ने २७ बर्षिय सुर्यप्रसाद धितालमाथि कुटपिट भएको हो । ढुङाले टाउकोमा लाग्दा घाईते भएका धितालको स्थानिय क्लिनिकमा उपचार भईरहेको छ । कुटपिटमा संलग्न तेह्रथुम हमरजुङका भिम बहादुर नेपाली ,पर्वत नेपाली र हिमाल नेपालीलाई प्रहरी चौकी सिंधुवाले नियन्त्रणमा लिई आवश्यक अनुसन्धान गरेको छ ।
