विराटनगर २६ जेठ । प्याब्सन विराटनगरले ‘सधैको लागि, सवैको लागि, राष्ट्रको शिक्षा, कलाको लागि, प्याब्सन आँगन गराउने भएको छ । प्याब्सन विराटनगरले आईतबार विराटनगरमा पत्रकार सम्मेलन गरि प्याब्सन आँगन हुने बारे जानकारी गराएको हो ।
‘प्याब्सन आगन’ मा एकल नृत्य र एकल गायन समावेश गरिने पत्रकार सम्मेलनमा जानकारी गराइएको छ । प्याब्सन आँगनको अडिसन राउण्ड यही जेठ ३२ गतेबाट सुरू गरिने प्याब्सन विराटनगरका अध्यक्ष ईन्द्र राईले जानकारी दिए । विद्यालयहरूमा अध्ययरत विद्यार्थीहरूको अन्तर निहित कलाकारिताको दक्षतालाई अभिवृद्धी गर्ने उद्देश्यले आयोजना गरिएको अध्यक्ष इन्द्र राइले पत्रकार सम्मेलनमा जानकरी दिए । तीन चरणको अडिसन राउण्ड पुरा गरेपछि प्रतियोगि फाइनलमा पुग्नेछन् । 
दुवै विधातर्फको सेमिफाइनलसम्म २५÷२५ जना छनौट गरि फाइलनमा १०÷१० जना पुग्नेछन् । प्रतियोगिताको विजेताले नगद १५ हजार रुपैयाँ प्राप्त गर्नेछन् । एकल नृत्य र एकल गायन दुवै विधाका विजेताले नगर र ट्रफि प्राप्त गर्नेछन् । अन्य उपविजेता हुने ९ जना प्रतियोगिले ट्रफि तथा पुरस्कार पाउने अध्यक्ष राईले बताए ।‘प्याब्सन आँगन’ सम्पन्न गर्न करिव ४ लाख ९५ हजार खर्च हुने प्याब्सन विराटनगरले जनाएको छ ।
