मोरङको मिक्लाजुङ ७ मधुमल्ला बजारमा आज बिहान सडक दुर्घटनामा परि एक वृद्धाको मृत्यु भएको छ । मृत्यु हुनेमा इलाम चुलाचुली गाउँपालिका वडा नं. ६ निवासी करिब ७५ बर्षीय नन्दकुमारी राईको मृत्यु भएको हो । मिक्लाजुङ –८ बाट यात्रु लिएर मुधुमल्ला आएको ना.२ ख ५२२७ नं. को ग्याल्बो सुपर बसले ठक्कर दिँदा वृद्धाको नन्नकुमारी राई सख्त घाइते भई उपचारार्थ अरनिको अस्पताल उर्लाबारी लगिएको थियो । उपचारको क्रममा वृद्धाको निधन भएको प्रहरीले जानकारी दिएको छ ।
नन्नकुमारी पनि सोही बसमा सवार थिइन । ओर्लिएर पैदल हिड्दैं गर्दा बसले ठक्कर दिएको थियो ।
ठक्कर दिने बस र चालक कृष्ण तामाङलाई प्रहरीले नियन्त्रणमा लिएको इलाका प्रहरी कार्यालय उर्लाबारीले जानकारी दिएको छ ।
