सप्तरी असोज ७ ,
एक १४ वर्षीया बालिकासँग बालविवाह र बहुविवाह गरेको आरोपमा पक्राउ परेका एक व्यक्तिलाई अदालतले कैद र जरिवानाको फैसला गरेको छ ।
सोमबार उच्च अदालत जनकपुर राजविराज इजलासले डाक्नेश्वरी नगरपालिका ३ निवासी ४१ वर्षिय हुलास प्रसाद साहलाई बाल विवाह र बहुविवाहको आरोपमा एक वर्ष कैद र १५ हजार जरिवानाको फैसला गरेको हो ।
जनकपुरको बिणादेवी साहसँग २०५० सालमा पहिलो विवाह गरेका साहले २०७२ साल जेठ १५ गते सप्तरीको कंचनरुप नगरपालिका ६ की १४ वर्षिया बालिकासँग दोश्रो विवाह गरेका थिए । जेठी श्रीमतीसँग दुई वटा छोरी मात्र भएको र छोरा नभएको तर्क दिँदै आरोपित साहले बालिकासँग दोश्रो विवाह गरेका थिए । यो खबर आजको राजधानी दैनिकमा छापिएको छ ।
