सोलुखुम्बु असोज १९,
सोलुखुम्बुको दुधकुण्ड नगरपालिका–११ बरडाडाँमा मध्यराति बोलेरो दुर्घटना हुँदा एक जनाको ज्यान गएको छ ।
राति ११ बजेको समयमा बाटो माथिबाट बा १५ च ९४२० नम्बरको बलेरो अनियन्त्रित भएर खस्दा नेचातर्फ जाँदै गरेको अर्को ना १ ज ५३४२ बोलेरो माथि बजारिएको थियो । दुर्घटनामा बोलेरो चाकल २१ वर्षीय बलबहादुर खड्काको ज्यान गएको हो ।
अर्का सुमो चालक पासाङकाजि शेर्पा, वर्ष २७ को मोहन बस्नेत निजको श्रीमती वर्ष २८ की रिया बस्नेत, निजको छोरा वर्ष ७ को रियाज बस्नेत, वर्ष २४ की रुषा बस्नेत घाइते हुनुभएको छ ।
घटनामा रमना राई, वर्ष २६ की गीता बस्नेत निजको छोरा वर्ष ७ को आयुस बस्नेत र रामेछाप नगरपालिका –६ बस्ने वर्ष २४ को गजेन्द्र लामा सामान्य घाइते हुनुभएको छ ।
सबै घाइते यात्रुहरुको जिल्ला अस्पताल फाप्लुमा उपचार भई रहेको प्रदेश प्रहरी कार्यालय विराटनगरले जनाएको छ ।
