धनकुटा । ‘फलफूल रोप्न बढाउ हात, जनतालाई नेपाली सेनाको साथ’ भन्ने मूल लक्ष्यका साथ सुरु भएको कार्यक्रम धनकुटामा पनि आरम्भ भएको छ ।
सोमबार नेपाली सेनाका प्रधान सेनापति पूर्णचन्द्र थापाले धनकुटा महालक्ष्मी नगरपालिकाको जीतपुर बजारमा एभोकाडोको विरुवा वृक्षरोपण गरि धनकुटामा समेत अभियानको आरम्भ गर्नु भएको हो । सरकारले घोषणा गरेको ‘एक नेपाली, एक फलफुलको विरुवा’ लाई सफल पार्न तथा ऐक्यवद्धता जनाउन नेपाली सेनाले पनि ‘एक सिपाही, एक फलफुलको विरुवा’ अभियानको प्रारम्भ गरेको हो ।
धनकुटा, मोरङ, सुनसरी, भोजपुर, तेह्रथुम र संखुवासभामा तैनाथ सम्पूर्ण गण गुल्महरुले स्थानीय तह र सरोकारवाला निकायहरुसँग सहकार्य गरि वृक्षरोपणको व्यवस्था मिलाइएको छ । उक्त अभियान अन्र्तगत विभिन्न प्रजातिका २० हजार फलफुलको विरुवा रोपिने नेपाली सेनाले जानकारी दिएको छ ।
