- दिङ्लाली कान्छो
चर्किन्छ मुटु यी आमा मेरी रोएको देखेर
किन हो कुन्नि सन्तान सबै सोएको देखेर ।
उठ न उठ ए मेरा दाजु पुछौं न त्यो आँसु
बल्दछ आगो अरुले आमा छोएको देखेर ।
भक्कानो छुट्छ आमाको आँसु देखेर हातीमा
जातीयताको उर्लंदो भेल फोएको देखेर ।
होशमा छैनन् के होला भोलि समय जान्दैन
गरिबीलाई जातीयताले धोएको देखेर ।
मूर्छित भइन् यी मेरी आमा हेर न सबैले
राष्ट्रियताको चिनारी आज खोएको देखेर ।
