विराटनगर, १२ फाल्गुन । भोली शनिवार विराटनगरको नमस्कार होटलमा हुने एक साँगितिक कार्यक्रमका लागि गायक निमा रुम्बा यहाँ आउने पक्का भए पछि विराटनगरका सँगित प्रेमी दंग परेका छन् । द सुपर हिरोज इनकर्पोरेशनले आयोजना गर्न लागेको "साउण्ड अफ लभ विथ निमा रुम्बा" का लागि रुम्बा विराटनगर आउने भएका हुन् । कार्यक्रमका लागि गायक रुम्बा आजै शुक्रबार साँझ विराटनगर आइपुग्ने द सुपर हिरोजका सौरभ राजभण्डारीले जानकारी दिनुभयो । उहाँको अनुसार शनिवार अपह्रान्ह हुने कार्यक्रमको सम्पुर्ण तयारीहरु पुरा भइसकेको छ । विराटनगरमै पहिलो पटक ककटेल पार्टि आयोजना गर्ने दाबी गरिएको कार्यक्रमका लागि आयोजकले ५ सय रुपैयाको टिकटहरु भ्यालेन्टाइन बेकरी क्याफे, ग्यालेक्सी फेसन वेयर र आफ्नै कार्यालयबाट विक्रि गरिरहेका छन् । आवर विराटनगर डटकमले कार्यक्रमको विश्वभर लाइभ स्ट्रिमिङ गर्दैछ ।
