उदयपुरको ठोक्सिला गाउं विकास समितिमा सामुदायीक पुस्तकालय स्थापनाका लागि पुर्वका विभिन्न प्रमुख शहरहरुमा चलचित्र दासढुंगाको च्यारीटी सो गरिने भएको छ ।
सुनाखरी युवा क्लब ठोक्सीलाले मंगलबार विराटनगरमा पत्रकार सम्मेलन गर्दै पुस्तकालय निर्माणका लागि विराटनगर, धरान, गाइघाट र ठोक्सीलामा चलचित्र दासढुंगाको च्यारीटी सो गरिने जानकारी गराएको हो ।
ठोक्सीला गाविसमा चारवटा उच्च माध्यमिक तथा माध्यमिक विद्यालयहरुरहेका भएपनि अहिलेसम्म एउटा पनि पुस्तकालय नरहेकोले एउटा पुस्तकालयको आवश्यकता महशुस गरी त्यसको खर्च जुटाउन दासढुंगा चलचित्रको च्यारिटी गरीन लागेको आयोजक क्लबले जनाएको छ । उक्त चलचित्रको च्यारिटी सो चैत्र ४ गते धरानको हात्तिसार क्याम्पस, चैत्र ७ गते गाईघाटको सिटीहलमा ,चैत्र ८ र ९ गते ठोक्सीला गाउं विकास समितिमा र चैत्र १८ गते विराटनगरको गुरुकुलमा गरिने भएको छ । २०५० साल जेठ ३ गते चितवनको दासढुंगा स्थित नारायणी नदिमा सवारी दुर्घटनामा मृत्यु भएका एमालेका तत्कालीन महासचिव मदनकुमार भण्डारी र संगठन विभाग प्रमुख जिवराज आश्रीतको मृत्यु भएको घटनालाई लिएर दासढुंगा चलचित्र निर्माण गरीएको निर्देशक मनोज पंडितले जानकारी दिए । यस्ता फिल्मले सामाजीक मनोवैज्ञानिक धारणालाई उत्प्रेरीत गर्ने उनको भनाइ छ ।
