भारतको उत्तर प्रदेश राज्यमा एक नेपाली विद्यार्थीको हत्या भएको छ। आजको अन्नपूर्ण पोस्टका अनुसार, हापुर जिल्लामा नेपाली विद्यार्थी विशाल शुक्लाको साथीहरुको पिटाईबाट ज्यान गएको हो। शुक्ला सर्लाही सिरौत गाविसका बासिन्दा थिए। दुई दिनअघि भएको यो घटनाले विदेशी विद्यार्थी भारतमा कति सुरक्षित छन् भन्ने कुरा देखाएको छ। विशाल उत्तरप्रदेशको मोनाद विश्वविद्यालयमा मेकानिकल इन्जिनियरिङका दोस्रो वर्षका विद्यार्थी थिए।
