पेट कटक्क काट्यो
दिसा पनि फाट्यो
छाती भटक्क गर्यो
छोरो ठहरै पर्यो
सरकारी मान्छे अहिलेसम्म
कोही आको छैन
म पनि बिमार छु
औषधी पनि पाको छैन
एक हप्ता भयो बाबु
केही खाको छैन ।
गाउ नै बिमारी छ
अज्ञात रोगको माहामारी छ
कती मरे थाह छैन
झाक्री लिन गाकी बुढी
अहिलेसम्म आको छैन
रेडियो त फुक्या फुकैछ
डक्टरहरु आउँदैछन
औषधी मुलो ल्याउदै छन
तर अहिलेसम्म कोही आको छैन
म पनि बिरामी छु
दवाइ छकी नानी
मैले त केही पनि खाको छैन ।
हामी त हजुर
दैवले पनि हारेका
सरकारले माया मारेका
नेताले झारु टारेका
तल मदानेको छोरो
सामान्य ज्वरो आइे मर्यो
माथि ओदाने छोरो
रुघाखोकी लाई भकलक्क पर्यो
रोगले मर्ने पनि हामी
भोकले मर्ने पनि हामी
कहिले हैजाको हाहाकारी
कहिले के रोगको माहामारी
डाक्टर साहब आउँदै छ भन्छन
तर अझै कोही आको छैन
म त भोगले मर्न आटे बाबु
तपाईंसँग केही छ की
आजसम्म केही खाको छैन ।
