दिनानु दिन चेलीहरू लुटेको हिसाव हुन्न
हत्या वलात्कार हुँदा पीडितमा निसाफ हुन्न
यो देशको कानुन दैवले मात्र जानुन्
अपराधीलाई आज कुनै यहाँ दवाव हुन्न
पत्ता लाउन गाह्रो छैन सफलता ज्वलन्त छ
प्रहरी जनशक्तिहरू कुनै अभाव हुन्न
साना तिनालाई ऐन ठूला वडालाई चैन
प्रत्येक ती पीडितका राज्यसँग जवाफ हुन्न
आज खुलेआम घुम्दै उल्टै सलाम ठोक्दै छ
यो देशमा फाँसी दिने कानुन त्यो किताव हुन्न ।।
