ए बन्द मगजका शिकारहरु,
यो बन्द नै रहेको
बल्दा बल्दा दन्कि नै रहेको
चर्पीका झिँगाहरु भन्कि नै रहेको
समस्यै समस्या र सुझावै सुझावको देशमा
म अर्को सुझाव दिन्छु
सक्छौ भने
मन्द मन्द
कट्यार कट्यार
काठेकिरा जसरी टोकीरहने हरुको मुख बन्द गर
सक्छौ भने
कचर कचर बोली मात्र झार्ने
सोझा जनतालाई भोकभोकै मार्ने
ताल पाउने बित्तिकै हरियो घाँस चहार्ने
विदेशीलाई नेपाली नागरिक बनाइदिने
नेपाली जनतालाई चैँ बिहारी भनेर नकार्ने
सही कुरा बोल्दा हकार्ने, लतार्ने, झपार्ने
र खान मात्र खोज्ने मुखहरु र
लुट्न मात्र खोज्ने हातहरु
बन्द गर
