जिन्दगीले उस्लाई जरुर केही सम्झाएको हुनुपर्छ
केही खास भएरै, उ फेरी भट्टीसम्म अाएको हुनुपर्छ
उ बर्षा देखी चुपचाप रित्तो प्याला भरिरहेछ
जिन्दगीले उस्लाई बेस्सरी रित्याएको हुनुपर्छ
उ धुमिल-धुमिल आकाश हेरेर अक्सर टोलाई रहन्छ
मान्छेहरु भन्दै छन, कसैले उस्लाई पर्खाएको हुनुपर्छ
उस्ले मुकुराउनै बिर्सीसकेको छ आजकल
मलाई लाग्छ, उ दुनियाँसँग रिसाएको हुनुपर्छ
उ लाचार बनेर पाईला-पाईलामा बिश्राम खोजी रहेछ
उस्का जवान पाईतलाहरुलाई समयले थकाएको हुनुपर्छ
