कसैले आफ्नो इच्छा पुरा गर्न अरुको इच्छा दबाएको छ
त कसैले अरुको इच्छा पुरा गर्न आफ्नो इच्छा दबाएको छ
कसैले उपहार पाउनको लागि माया गरेको छ
त कसैले माया पाउनको लागि उपहार दिएको छ
कसैले अरुलाई रुवाउन आफु हासेको छ
त कसैले आफु रोएर अरुलाई हसाएको छ
कसैले शरीर देखाउनको लागि लुगा लगाएको छ
त कसैले शरीर ढाक्नको लागि लुगा लगाएको छ
कसैले राम्रो कामको लागि समाज खोजेको छ
त कसैले समाजको लागि राम्रो काम खोजेको छ
कसैले जातको लागि राजनीति खोजेको छ
त कसैले राजनीति को लागि जात खोजेको छ
कसैले हास्नको लागि जिन्दगी जिएको छ
त कसैले जिन्दगी जिउनको लागि हासी दिएको छ
