प्रेम देवान
विराटनगर - ४ फागुन, चलचित्र प्रेमगीतका गीत संगितहरु यतिबेला निकै चर्चामा छन् । यही गीत संगितका कारण चर्चामा रहेको यस चलचित्रले केही महिना अघि कभर गीत प्रतिस्पर्धा राखेको थियो । कभर गीत प्रतिस्पर्धामा ५ सय ५९ व्यक्तिहरु सहभागी भएका थिए ।
तिनै सहभागीहरुको आफ्नो स्वरमा गाएको टाइटल गीत “ म यस्तो गीत गाउछु “ सार्वजनिक गरिएको थियो । संसारभर बाट सहभागी प्रतिस्पधीहरुबाट युटुब दर्शकको आधारमा टप १५ छनौट गरिने जनाएको छ ।
उत्कृष्ट टप १० फागुन ४ मा सार्वजनिक गरिने तय भएको थियो तर ’प्रेम गीत’ यूनिट व्यस्तताका कारणले सो समय स्थगित भएको जनसम्र्पक अधिकृत रेशमजङ्ग शाहीले आवरविराटनगर नेटलाई जानकारी दिए । उत्कृष्ट टप १० आगामी फागुन १० मा सार्वजनिक गरिने भएको छ । अधिकृत रेशमजङ्ग शाहीका अनुसार राम्रो प्रतिभा भएर पनि युटुबमा कम दर्शक पाएका ५ लाई समेत प्रतिस्पर्धामा राखेर टप १५ बनाइने छ । यस्तै टप १५ को अन्तिम प्रतिस्पर्धा फागुन २० गते हुनेछ । बिजेतालाई १ लाख नगद प्रदान गर्नुको साथै टप १५ प्रतियोगीहरुलाई कलर्स मोबाइल प्रदान गरिने छ ।
