धन सँग हैन माया, दिल सँग लगाउने को छ ?
धुप सँग गलेको मन, प्रेम सँग जगाउने को छ ?
छहारीमै हुन्छ शीतल , भन्दै मलाई दोहोर्याउने
चुप्प गर्दै ओठतिर, लुकाई, भगाउने को छ ?
यो ले त्यो ले भन्दै तिम्रो, अंग अंग मान्दा पनि
सुम्पिएर फिक्रीबिना, मलाई फकाउने को छ ?
अरु बेला हाँसी खुसी, थलो पर्दा आउने याद
लठ्ठी हात समाउँदै, मुस्कान दिई सघाउने को छ ?
जिउदो हुँदा प्रेम सम्मान, मर्दा दु;खी हुने
विलौना मै बोकि घाट, हेर्दै जलाउने को छ ?
