प्रेम देवान – विराटनगर
संगिता राई उमेरले भर्खरै १८ बर्ष मात्र पुगेपनि मोडलिङ क्षेत्रमा नसा लागिसकेको छ । ५ फिट २ ईन्च उचाई भएकी धरान १० निवासी संगिता डिपोट हायर सेकेण्डरी स्कुलमा व्यवस्थापन संकायमा अध्ययनरत छिन । उनले स्कुल जिवन सुनगाभा अंग्रेजी बोडिङ्ग स्कुलबाट गरेकी थिईन ।
स्कुलले जीवनमा अध्ययनमा भनेपछी निकै अगाडी हुने तथा अध्ययनशील रहेकी संगिता स्वभाविक रुपमा आफुलाई पढाईमा अब्बल नै ठान्छिन् ।
खासगरी सानै देखी मोडलिङलाई विशेष चासो राख्दै आएकी संगिताले धरानमा भएको मिस एसएलसी (२०१४)मा सहभागिता जनाई सेकेन्ड रनरअफ भई उपाधी जितेकी थिईन ।
संगितालाई यो जीत संगै मोडलिङ क्षेत्रमा प्रवेश गर्न झनै हौसाएको छ । त्यति मात्र नभई घरपरिबारबाट आफुले सोचे भन्दा धेरै साथ पाएकी छिन् । संगिताले अहिले सम्म एक दर्जनभन्दा बढी फेशन सोमा सहभागिता जनाईसकेकि छिन् ।
ईनडोर,आउटडोर गरी १० भन्दा बढी फोटो सुटहरु गरिसकेकी संगिताले हाल सम्म तीनवटा म्यूजिक भिडियोमा अभिनय गरिसकेकी छिन् । उनले तिमी नै भनन् (डिजे आवाज), टोलाई रहे म (आन्नद राई), जब देखे तिमिलाई (बिनोद खरेल) लगायतका गायकहरुको म्यूजिक भिडियोमा आफ्नो प्रस्तुति दिईसकेकी छिन् ।
आफुलाई अझै निखार्नका लागि डि.सि.मोडेल म्यानेजमेन्ट(धरान)द्धारा आयोजित बेसिक मोडलिङ ट्रेनिङमा ब्यस्त राखेकी छिन । आफुलाई एक दिन मिस नेपाल भई मिस नेपालको ताज पहिरीएको सपना बकेकी संगिताले यसका लागी यस क्षेत्रमा संर्घष गरिरहने बताईन् ।
तस्वीर: धराने क्रेज डटकम
शब्द प्रेम देवान
