प्रिया एउटा काम गरौ मन्दिर सामु उभिएर
अाऊ न हरे राम गरौ मन्दिर सामु उभिएर ।
तिम्रो जीवन अमुल्य छ मेरो पनि अमुल्य हो
अाऊ एउटै दाम गरौ मन्दिर सामु उभिएर।
जात जम्मा दुईटा हुन्छ एक तिमी अर्को म हूँ
यो सत्यलाई प्रणाम गरौ मन्दिर सामु उभिएर।
दुख कष्ट महामारी अाउन सक्छ जीवनमा
सबै नाका जाम गरौ मन्दिर सामु उभिएर ।
तिमी विना म अधुरो म विना तिमी पनि
यो शृष्टीलाई सलाम गरौ मन्दिर सामु उभिएर।
