बिराटनगर मङ्सिर १२ .
बिराटनगरमा कान्तिपुर टेलिभिजनको चर्चित " वाट द फ्लप" का सन्दिप क्षेत्री (मिठाइलाल जादव) मुख्य आकर्षण रहेको "फुट फर डान्स" सिजन ४ हुने भएको छ । मिस्ट्रि डान्स ग्रुपको आयोजना तथा पतंजलीको मुख्य प्रायोजनमा उक्त कार्यक्रम हुन लागेको हो । कार्यक्रम पुस ९ गते शनिबार "क्रिसमस इभ" को दिन बिराटनगरको जैन भवनमा हुने आयोजक पुरु अग्रवालले आवर बिराटनगरलाई बताए । कार्यक्रममा कमेडीयन सन्दिप क्षेत्रीको प्रस्तुति , मिस्ट्रि डान्स ग्रुपको डान्स, र्याम्प शो साथै अन्य कलाकारहरुको प्रस्तुति हुने अग्रवालले बताए । हरेक वर्ष मिस्ट्रि डान्स ग्रुपले "फुट फर डान्स" कार्यक्रम गराउदै आएको छ । कार्यक्रमको मिडिया पार्टनरको रुपमा आवर बिराटनगर डट नेट रहेको छ ।
