ऊ गयो रे !
टाढा, धेरै टाढा
ऊ गएको ठाउँ
दूरबिनले देखिन्न रे !
भन्छन् ऊ अलबिदा भयो रे !
हिम्मत नहार्ने गीत गाउँथ्यो रे !
हिम्मत नहार्ने गीत कोर्थ्यो रे !
आज आफैँ हिम्मत हार्दा
ऊ अलबिदा भयो रे !
मनको ढुकढुकी थियो ऊ सबैको
फ्याँकिने प्रत्येक सास थियो ऊ सबैको
आज सबैको धडकन् बन्द भयो रे !
कारण
ऊ अलबिदा भयो रे !
मिठो आवाज सुनाउँथ्यो
हरेक युवाको व्यवहार गाउँथ्यो
हरेक युवाको विचार गाउँथ्यो
धेरै सपना अधुरै पार्दै
ऊ अलबिदा भयो रे !
लेखक : पुष्पराज पन्त
