बिरामी बाेक्ने एम्बुलेन्समा गाँजा तस्करी गर्ने एक सहित ठुलाे परिमाणमा गाँजा सुनसरी प्रहरीले बरामद गरेकाे छ । महेन्द्र राजमार्ग अन्तर्गत दरिपुर ९ कोशिब्यारेज क्षेत्रमा प्रहरीको संयुक्त चेकिङका क्रममा गाँजा तस्करीका लागि प्रयोग गरिएको को १ च ५५०५ नम्बरको एम्बुलेन्स प्रहरीले नियन्त्रणमा लिएको हो। तयारी अवस्थाकाे २ सय १० केजि गाँजासहित एम्बुलेन्समा सवार बोलश्याम मण्डललाई प्रहरीले नियन्त्रणमा लिएको खबर उद्घाेष राष्ट्रिय दैनिकमा प्रकाशित छ । फरार एम्बुलेन्स चालककाे खोजि भइरहेको प्रहरीले जनाएको छ। प्रहरी नियन्त्रणमा रहेको एम्बुलेन्स थाक्थाकु मावोहाङ चेम्जोङ वंश उत्थान संघको नाममा रहेको खुल्न अाएकाे छ। एम्बुलेन्स बिपि कोइराला स्वास्थ विज्ञान प्रतिष्ठान धरानमा रहेर संचालन हुदै आएको थियाे ।
