'द कपिल शर्मा शो'का डा. मशहुर गुलाटी अर्थात सुनिल ग्रोभरले कपिलको शओमा फर्किन लागेको खबरमा कुनै सत्यता नरहेको स्पष्ट पारेका छन्। एक चर्चित समाचार साइटमा प्रकाशित खबरका अनुसार सुनिलले कपिलको शोमा फर्किने समाचारको खन्डन गरेका हुन्।
'सबै झुठो हो' उनले भने। तर सो क्रममा उनले कपिलमाथि कुनै पनि टिप्पणी गर्न अस्विकार गरे।
त्यस्तै सुनिलले अन्य कुनै शोमा अनुबन्धित पनि नभएको बताएका छन्।
'म हाल स्टेज शोमा केन्द्रित छु, अरूमा केहीमा छैन्। मेरो कुनै दोस्रो च्यानलसँग पनि कुनै कुराकानी चलेको छैन्', हालै असममा भएको एक कार्यक्रममा आफ्नो प्रस्तुति दिएका सुनिलले भने,' दर्शकहरूको प्रतिक्रियाले म उत्साहित छु, प्रत्यक्ष प्रस्तुति गर्नुको खुशी बेग्लै हुन्छ।'
सोमबार एक समाचार संस्थाले सुनिल कपिलको शोमा फर्किन लागेको समाचार प्रकाशित गरेको थियो जसमा सुनिलसहितका सबै कलाकार फर्किन पनि उल्लेख थियो।
