गत शुक्रबार प्रदर्शन भएको एकता कपुर निर्मित, मोहित सुरी निर्देशित र श्रद्धा कपुर– अर्जुन कपुरको चलचित्र ‘हाफ गर्लफ्रेन्ड’ ले चार दिनको यात्रामा बक्स अफिसमा ४० करोड बढी कमाइ गरेको छ ।
यो चलचित्र श्रद्धा कपुरको करियरमा ओपनिङमा १० करोड बढी कारोबार गर्ने चौथो चलचित्र बनेको छ । चलचित्रले पहिलो दिन १०.२७ करोडको कारोबार गरेको थियो ।
खासखबरका अनुसार यस अघि श्रद्धाको ‘एक भिलेन’, ‘एबीसीडी–२’ र ‘बागी’ ले बक्स अफिसमा १० करोड बढीको ओपनिङ कारोबार गरेको थियो।
