साउथ ईण्डियाका फिल्महरु कयौं पटक बलिउडका फिल्महरुलाई नराम्रोसँग पछि पारिदिन्छन् । ती फिल्महरुमा बलिउड फिल्मभन्दा राम्रो कथाबस्तु, र अभिनय राम्रो देख्न पाइन्छ । बलिउडका कयौं कलाकारहरुले साउथकै फिल्मबाट डेब्यू गरेका छन् । जसमा ऐश्वर्या राय, प्रियंका चोपडादेखि दीपिका पादुकोण र श्रीदेवी–रेखा जस्ता अभिनेत्रीहरु पर्दछन् ।
यसैबीच यो वर्ष बलिउडका केही स्थापित कलाकारहरु साउथ फिल्ममा डेब्यू गर्न गइरहेका छन् । जसमा अक्षय कुमारदेखि सनी लियोनीसम्म छन् । यद्यपी सनी लियोनीले केही तमिल, तेलुग र कन्नड फिल्ममा आइटम डान्स गरिसकेकी छन् । उनी फिल्म ‘वीरमादेवी’ बाट अभिनेत्रीका रुपमा साउथ फिल्ममा डेब्यू गर्न लागेकी छन् ।
त्यस्तै बलिउडका खेलाडी अक्षय कुमारको फिल्म ‘२.०’ बाट साउड इण्डस्ट्रीमा डेब्यू हुँदैछ । श्रद्धा कपूर फिल्म ‘साहो’ मा बाहुबली सिरिजका अभिनेता प्रभाषका साथ पहिलो पटक साउथ फिल्ममा स्क्रीन शेयर गर्न लागेकी छन् । यो फिल्म यसै वर्षको नोभेम्बरमा सिनेमा घरमा लाग्ने निर्माण पक्षले जनाएको छ ।
त्यसैगरी निधि अग्रवाल ‘सब्यसाची’ ले अभिनेत्रीका रुपमा साउथमा डेब्यू गर्ने तयारी गरिरहेका बेला अनुराग कश्यप ‘इमइक्का नोडिगल’ नामक फिल्मबाट साउथमा निर्देशनको सुरुवात गर्ने भएको बलिउड भाष्कर डटकमले जनाएको छ ।
