पापी शासकहरु
सत्ताको नसामा
मत्ता भएछन्
अबोध वालक
अनि वृद्धवृद्धालाई
आतङ्ककारीको
बिल्ला भिराउँदै
कुल्चदै नरसंहार
मच्चाइरहेछन्।
थुक्क ! नरभक्षी शासकहरु हो !
धिक्कार छ तिम्रो जन्मलाई
तिम्रो सोते प्रजातन्त्र
अनि कथित सम्बृद्ध पद्धतीलाई
तिम्रा खुनी नङ्ग्राले
तिम्रै आमा बाउ
दाजुभाई दिदी बैनीको
गला रेटी कत्लेआम
गर्दो रहेछ
तिम्रो खुनी सत्ता जोगाउन
सुत्केरी आमाको अस्मिता
आफैले लुट्तो रहेछौ।
धन्य छ ! पाश्चात्यको
महिमा गाएर
नथाक्ने तिम्रो
साम्राज्यवादी डम्फू
मानव अधिकारको
गाना गाएर
मानव कै गला
दिन दहाडै घोटिरहेछ
गला घोटिरहेछ
वाल वृद्धहरुको
खुन पिइरहेछ
खुन पिइरहेछ।
