विराटनगर , चैत १७ , गेम खेल्न इच्छुक युवायुवतीलाई लक्षित गरि विराटनगरमा पहिलोपटक प्ले स्टेसन जोन सञ्चालनमा आएको छ । विराटनगरको हिमालय रोडमा हाल ३ वटा प्ले स्टेसन सहित उक्त गेमिङ जोन सञ्चालनमा आएको हो ।
विश्वभर चर्चित फिफा , जिटिए , रेस्लिङ लगायतका गेम उक्त गेम सेन्टरमा खेलेर मनोरञ्जन लिन सकिने सञ्चालक सुजन बस्नेतले आवर विराटनगरलाई बताए । उक्त गेम सेन्टरमा घण्टाको १ सय रुपैयाँमा गेम खेल्न सकिने पनि बस्नेतले जानकारी दिए । उक्त सेन्टरमा मासिक या वार्षिक मेम्बरशिप पनि लिन सकिने छ । विराटनगरमा पनि युवापुस्तामा गेमिङमा रुचि भएको कारण उक्त व्यवसाय सुरुवात गरिएको बस्नेतले जनाए ।
