एजेन्सी । बलिउड अभिनेत्री आलिया भट्ट यहिले फिल्म ‘राजी’ को सफलताले उत्साहित छन् । हालै प्रदर्शनमा आएको उनको फिल्म ‘राजी’ ले बलिउड बक्स अफिसमा राम्रो सफलता प्राप्त गरेको छ ।
‘राजी’ ले बक्स अफिसमा एक सय करोडको आंकडा पार गरिसकेको छ । आलियाको यो फिल्म यस वर्षको तेस्रो सवैभन्दा बढी आम्दानी गर्न सफल फिल्म हो । 
बक्स अफिसमा लगातार आम्दानी गरिरहेको ‘राजी’ को सफलता पछि आलिया भट्टको स्टारडम पनि बढेको छ । सोही कारण आलियाले आफ्नो पारिश्रमिक पनि बढाएकी छिन् । भारतीय सञ्चार माध्यमहरुका अनुसार फिल्ममा अभिनय गर्नका लागि छ करोड रुपैयाँ लिँदै आएकी आलियाले पारिश्रमिक बढाएर नौ करोड पुर्याएकी छिन् ।
आलिया अहिलें रणवीर सिंहका साथ फिल्म ‘गली ब्वाय’ को शुटिङमा व्यस्त छिन् । फिल्मलाई जोया अख्तरले निर्देशन गरिरहेकी छिन् । आलिया रणबीर कपूरका साथ अयान मुखर्जीको फिल्म ‘ब्रह्मास्त्र’ मा पनि देखिने भएकी छिन् ।
