गुगलले प्ले स्टोरबाट डकुमेन्ट स्क्यान गर्ने चर्चित एप CamScanner (क्यामस्क्यानर) हटाएको छ । क्यास्परस्काई ल्याबका अनुसन्धानकर्ताको रिपोर्ट अनुसार यो एपमार्फत् स्मार्टफोनमा म्यालवेयर अट्याक भइरहेको थियो । जसमार्फत् लाखौं प्रयोगकर्ता प्रभावित भएका छन् । यस्तै, प्रयोगकर्ताको सहमति बिना नै फोनमा विभिन्न एप्स डाउनलोड भइरहेका थिए । अब गुगलले यसलाई तुरुन्त प्ले स्टोरबाट हटाएको छ । साथै, प्रयोगकर्तालाई फोनबाट एप हटाउने सल्लाह पनि दिइरहेको छ ।
१. क्यास्परस्काई ल्याबको रिपोर्टः
क्यास्परस्काई ल्याबका अनुसन्धानकर्ताका अनुसार फोन बेस्ड पिडिएफ क्रिएटर क्यामस्क्यानर एपमा ओसीआर (ओप्टिकल क्यारेक्टर रेकग्निशन) फिचर दिइएको छ । यो एपसँगै म्यालिशस मोड्युल भएको एडभर्टाइजिङ लाइब्रेरी पनि फोनमा डाउनलोड भइरहेको थियो । यसमा विज्ञापन ‘पुश’ हुन्थ्यो र फोनमा थुप्रै एप्स पनि इन्स्टल हुन्थे । क्यामस्क्यानरलाई १० करोड बढी प्रयोगकर्ताले प्रयोग गरिरहेका छन् । यसमार्फत् फोन पनि ह्याक हुने खतरा भएको बताइएको छ । एपमा Trojan.Dropper.AndroidOS.Necro.n म्यालवेयर पहिले नै इन्स्टल भएको भेटियो । यसको मद्दतले ह्याकर्सले तपाईंको फोन ह्याक गर्न सक्ने निष्कर्ष रिपोर्टमा प्रकाशित गरिएको छ ।
अनुसन्धानकर्तालाई यो पनि शंका छ कि एपको मद्दतले केही प्रयोगकर्ताको लगिन डिटेल पनि चोरिएको हुनसक्छ ।
यसको अपडेट भर्सनमा म्यालिशल मोड्युल भएको एडवर्टाइजिंग लाइब्रेरी भेटिएको छ जुन प्रयोगकर्ताका लागि अत्यधिक खतरनाक छ ।
२. पेड भर्सन अहिले पनि छः
गुगलले यो ऐपलाई केही समयका लागि प्ले स्टोरबाट हटाइएको र एपबाट म्यालवेयरको खतरा हटेसँगै यसलाई पुनः प्ले स्टोरमा उपलब्ध गरिने स्पष्ट पारेको छ । यद्यपि, यसको पेड भर्सन अहिले पनि प्ले स्टोरमा छ ।
३. ऐप प्रयोगकर्तालाई सल्लाहः
अनुसन्धानकर्ताले एप निकै राम्रो भएको र यसले विगतमा कहिले पनि कसैलाई हानी नपुर्याएको बताएको छ । यसले विज्ञापनमार्फत् पैसा कमाउँथ्यो । तर अब यस्तो भन्नु गलत हुनेछ । अर्थात्, फोनमा यो एप अब तपाईंले तुरुन्त हटाउनुपर्छ । एप हटाउनु अघि यसको डाटा र क्याश क्लियर गर्नुपर्छ ।
यसका लागि सेटिङ्गमा गएर एपमा जानुहोस् र त्यहाँ क्यामस्क्यानर सेलेक्ट गर्नुहोस् । अब स्टोरेजभित्र गएर ‘क्लियर डेटा’ र ‘क्लियर क्याश’ सेलेक्ट गर्नुहोस् ।
एपलाई दिइएको अनुमती जस्तै फोटो, भिडियो, एल्बम, कन्ट्याक्टलाई पनि बन्द गर्नुहोस् । त्यसपछि क्यामस्क्यानर एपलाई अनइन्स्टल गर्नुहोस् ।
यदि तपाईं फोनमा एन्टी भाइरस छ भने एकपटक त्यसलाई पनि रन गर्नुहोस् ।
