विराटनगर २९ भदौ । चलचित्र “मिस्टर नेपाली” आगामी कात्तिक २९ गते प्रर्दशनमा आउदैछ । फिल्म निर्माण टिम यतिबेला चलचित्रको प्रचारप्रसारमा जुटिरहेका छन् । चलचित्रको यस अघि नै “नाचौँ न छम्म छम्म” बोलको गीत सार्वजनिक भईसकेको छ ।
“नाचौँ न छम्म छम्म” बोलको गीत
https://youtu.be/V2zg3nMylYQ
चलचित्रमा अभिनेता भुबन केसी, रीमा विश्वकर्मा, बिष्णु सापकोटा, सुरेन्द्र केसी, कमलमणी नेपाल, रवि डंगोल , नव–कलाकार साहिल श्रेष्ठ र कुसुम राउत लगायतका कलाकारहरुको अभिनय रहेको छ ।
चलचित्रमा अभिनेता भुबन केसी दोहोरी भूमिकामा देखिदैछन् । हिमाल केसीको एक्सन रहेको चलचित्रमा सुभाष भुषाल र दिपक शर्माको संगीत, कविराज गहतराजको नृत्य निर्देशन छ । देवचुली फिल्मसको ब्यानरमा निर्माण भएको उक्त चलचित्रले वैदेशिक रोजगारीमा प्रदेशमा रहेका नेपालीहरुको राष्ट्र माया दर्शाउन खोजिएको मिष्टर नेपालीका निर्माता प्रेमराज दाहालले आवर विराटनगरलाई बताउनुभयो । प्रेमराज दाहालको लगानी रहेको चलचित्रका प्रोडक्शन डिजाइनर गणेश सापकोटा रहेका छन् ।
