२२ मंसिर २०७६, आईतवार

गरीखानेको कथा : विराटनगरमा १५ वर्षदेखि भक्का बेच्दै लिला,घर चलाउने माध्यम बन्यो भक्का

बिराटनगर, ९ मंसिर ।
बिराटनगरमा चामलको पिठोले बनेको “भक्का” एकदमै लोकप्रिय खाना मानिन्छ । बिशेष गरि तराइमा जाडो मौसममा खाइने यस परिकारको माग धेरै रहेको छ । बिराटनगर १२ पंचाली (सगरमाथा स्कुल) छेउमा लिला साहनीले भक्का बेचेको १५ बर्ष भयो । उनको दैनिकी बिहान र बेलुका भक्का बेच्ने र दिउसो चामल र पिठो तयार पर्ने रहेको छ । १५ बर्ष अघि २ रुपैयामा बिक्ने गरेको भक्काको अहिलेको दाम १० रुपैया पुगेको उनि सम्झन्छिन ।
दैनिक ८ सयको भक्का बेच्ने उनको परिवार भक्का बेचेरै चलेको छ , आफ्ना ४ छोरी र २ छोरालाई उनकै कमाईले स्थानीय जनपथ स्कुलमा पढाइरहेकी छिन । उनको ब्यापार पनि नौलो छ ,किनकि उनि जाडो महिनामा भक्का बेच्छिन भने गर्मिमा त्यहि ठाउमा मक्कै बेच्छिन। “काम सजिलै छ , कहिले धेरै बिक्रि हुन्छ कहिले कम” उनि भन्छिन ।
नहरको किनारमा गरिने फोहरबाट भने उनि निक्कै दुखि छिन । “मानिसहरु छठ पर्वमा मात्रै नहर सफा गर्छन , नगर फोहोर हुदा हामी नहर छेउमा बसेर ब्यापार गर्नेलाइ निक्कै दुख हुने गरेको छ ।
प्रस्तुति : बिबेक दाहाल 

सम्बंधित खबरहरु


प्रतिक्रिया लेख्नुहोस