विराटनगर चैत १२,
विराटनगरमा लकडाउन भएको अवस्थामा सडक प्राय सुनसान नै रहेका छन् । विराटनगर बजारमा मानिसको चहलपहल न्यून छ भने केही साइकल र मोटरसाइकल भने चलिरहेको देख्न सकिन्छ ।
विराटनगरमा चोकचोकमा प्रहरी तैनाथ रहेको छ । प्रहरीले सडकमा देखिएका मानिसलाई बाहिर निस्कनुको कारण सोधपुछ गर्ने गरेको र घरमै बस्न अनुरोध गरेको दृश्य विराटनगरमा देख्न सकिन्छ । मानिसहरूलाई सडकमा हिड्न कडाइ गरेको छ । प्रहरीले भिडभाड देखिएको स्थानमा पुगेर भिड हुन नदिन काम गरिरहेको बताएको छ ।