विराटनगर चैत १३,
विराटनगर लगायत देशैभर जारी गरिएको लकडाउनको आज तेस्रो दिन । विराटनगरमा आजपनि विहानैदेखि प्रहरी ठाउँ ठाउँमा तैनाथ रहि लकडाउन नमान्ने सवारीसाधन तथा मानिसहरूलाई सम्झाएर घर पठाउने कार्य जारी रहेको छ ।
ठाउँठाउँमा खटिएका प्रहरीसंग अवस्था बारे जानकारी लिन खोज्दा उनिहरुले सडकमा हिड्ने मानिसहरुलाई सम्झाउन निकै कठिन परेको बताउँछन् । विराटनगरको रोडशेषमा खटिएका एक प्रहरी जवान भन्छन् "मानिसहरु निकै अटेर गरेर विभिन्न बाहाना बनाएर सडकमाा निस्कने गर्छन्, सम्झाउन खोज्दा उल्टै थर्काउने गर्छन् ।
उनका अनुसार पढेलेखेका मानिस देखिने पनि सडकमा निस्कने गरेका छन् । प्रहरीले सडकमा सवारीसाधन वा पैदल निस्कने मानिसलाई सम्झाउने तर नसम्झेको अवस्थामा सवारीसाधन नियन्त्रणमा लिएर बेलुकी छाड्ने गरेका छन् ।
विराटनगरमा सबैभन्दा धेरै मोटरसाइकलले अवैज्ञा गर्ने गरेको प्रहरीको भनाइ छ ।
