विराटनगर, चैत १५ ।
प्रदेश नम्बर १ मा कोरोना भाईरसका शंकास्पद २५ जना मध्ये २० जनाको रिपोर्ट नेगेटिभ आएको छ । अन्य ५ जनाको रिपोर्ट आउन भने बाकि नै रहेको छ । परीक्षणका लागि नमूना संकलन गरी राष्ट्रिय जनस्वास्थ्य प्रयोगशाला टेकुमा परीक्षणको लागि पठाइएको छ ।
प्रदेश नम्बर १ बाट कोशी अस्पताल विराटनगरबाट ६ जना , विपी कोइराला स्वास्थ्य विज्ञान प्रतिष्ठान धरानबाट १६, उदयपुर अस्पताल गाईघाटबाट १ जना र मेची अस्पताल भद्रपुरबाट २ जना गरेर २५ जनाको नमूना संकलन गरी टेकुमा परीक्षणको लागि पठाइएको प्रदेश नं. १ को सामाजिक विकास मन्त्रालयका प्रवक्ता एवं जनस्वास्थ्य महाशाखा प्रमुख डा. सुरेश मेहताले जानकारी दिए ।
