विराटनगर चैत्र १७,
कोभिड १९ बाट निम्तिएको विश्वव्यापी महामारीले गर्दा भएको लकडानले जनजीवन अस्त व्यस्त भएको अवस्था छ । यति बेला दैनिक ज्याला मजदुरी गरेर जीविको पार्जन गर्नेहरुको दैनिक गुजारामा बज्रपात नै भएको छ ।
यस्ता वर्गलाई मध्यनजर गर्दै सरकारले तत्काल घोषणा गर्नु पर्ने राहतको प्याकेज अझै घोषणा गर्न सकेको छैन । ग्राउन्ड जीरोमा कयौं परिवार भोकै बस्नु पर्ने बाध्यतालाई बुझेर केहि सामाजिक अभियन्ताको समुह उनीहरुको लागि दुइ छाक खाना जोहो गर्ने कार्यमा लागेको छ ।
विराटनगरमा सामाजिक अभियन्ताहरुमा संजिब चापागाई , अनुप सापकोटा, अक्षय सहनीलगायतका युवाहरुको समुह यो कार्यमा लागि परेका छन । प्रदेस नं १ का नेपाली काङ्ग्रेसका प्रमुख सचेतक माननीय केदार कार्किकाे पहलमा उनको क्षेत्रमा खाधान्न सामान बितरण भएको हो । यो अभियान निरन्तर जारी रहने सचेतक कार्कीले बताए ।
