विराटनगर चैत १९,
विराटनगर महानगरपालिकाकी उपमेयर इन्दिरा कार्की नेतृत्वको टोलीले मंगलबार बजार अनुगमन गरेको छ ।
नगरको विभिन्न स्थानमा रहेका किराना पसलहरुको अनुगमन गर्दा कसैले पनि मुल्यसूची राखेको नभेटिएपनि विराटनगर - १ पानीटंकी स्थित अष्टचिरञ्जिवी खाध्यान्न ट्रेडिङले म्याद गुज्रिएको सामान बिक्री वितरण गरिरहेको अनुगमन टोलीले फेला पारेको थियो । ट्रेडिङबाट बिक्रीका लागि राखिएको हजारौ मुल्य बराबरको म्याद गुज्रिएका पेय पदार्थदेखि तितौरा पाऊँसम्मका खाध्यान्न टोलीले जफत गरी नष्ट गरेको थियो ।
उपमेयर कार्कीले यस्तो महामारीको बेला कालो बजारी र कमसल खाध्यान्नको बिक्रीलाई निस्तेज गर्न ज्यानको बाजी थापेर अनुगमनमा हिँडेको बताईन ।
उनले नगरवासीको हित र स्वास्थ्यका लागि लकडाउनको बेलापनि अनुगमन नरोकिने स्पष्ट पारीन् । ट्रेडिङका संचालक महेश अग्रवालले आफूबाट गल्ति भएको स्वीकार गर्दै आईन्दा गलत कार्य नगर्ने भन्दै टोली सामू माफी मागे ।
