ओखलढुंगा, चैत १९। ओखलढुंगाका दुईजना युवतीमा ज्वरो र खोकीको लक्षण देखिएपछि आईसोलेसन वार्डमा राखिएको छ । केही समयअघि भारतबाट ओखलढुंगा आएका दुई जना युवतीमा सामान्य ज्वरो र खोकीको लक्षण देखिएपछि ओखलढुंगा सामुदायिक अस्पतालको आईसोलेसन वार्डमा राखिएको हो ।
उनीहरुमा सामान्य खालको ज्वरो र खोकीको लक्षण देखिएपछि मंगलबारबाट आईसोलेसन वार्डमा राखिएको जिल्ला कमाण्ड पोष्टका सूचना अधिकारी तथा जिल्ला स्वास्थ्य कार्यलयका प्रमुख सुमन तिवारीले जानकारी दिनुभयो ।
आइसोलेसनमा राखिएका ति दुई युवतीमध्ये एकजना ८ दिन अघि र अर्का एकजना १० दिन अघि मात्र भारतबाट ओखलढुंगा अईपुगेको खुल्न आएको छ । अब उनीहरुको स्वाब परीक्षणका लागि वी.पी. कोइराला स्वास्थ्य विज्ञान प्रतिष्ठान धरानसंग समन्वय गरी पठाउने तयारी गरिएको छ ।
हाल ती युवतीका आफन्तहरुलाई होम क्वारेन्टाइनमा राखिएको छ । यसैबीच ओखलढुंगा जिल्लामा क्वारेन्टाइनमा बस्ने युवाहरुको संख्या ११ पुगेको छ । मंगलबारबाट जिल्ला सदरमुकाम स्थित ओखलढुंगा क्याम्पस भवनको क्वारेन्टाइनमा ७ जना युवायुवती बसेपछि यो संख्या बढेर ११ पुगेको हो ।
