विराटनगर चैत्र १९,
विराटनगर घर भएका दुइ जना युवा भारतमा फसेका छन् । भारतको जम्सेदपुर झारखण्ड राज्यमा उनीहरु भारतमा जारी लकडाउनमा फसेका हुन् ।
बिराटनगरको सरोचिया घर भएका युवा पारस रजाक र उनका दाइ बिनोद रजक हाल भारतमा फसेको हुनाले उनीहरुले आवर विराटनगरलाई भारतबाट सम्पर्क गरी उद्दारको पहल गरीदिन आग्रह गरेका छन् । हाल उनीहरुसंग भएको खाना तथा पैसा सबै सकिएको र आफुहरू समस्यामा परेको पारसले दुख पोखे । उनीहरु बिगत १२ दिनदेखि भारतमा रहेको बताए । बाहिर हिड्न नपाएको कारण त्यहाँको स्थानीय प्रशाशन सम्म कुरा राख्न नपाएको जानकारी दिए ।
भारत र नेपालमा भएको लकडाउनले गर्दा नेपाल आउन नपाएको हुदा संबन्धित निकायलाई सहयोग गरिदिन उनले आग्रह गरे । आफन्तको मृत्यु संस्कारका लागि भारत गएका उनीहरु भारतीय प्रधानमन्त्री नरेन्द्र मोदीले घोषणा गरेको २१ दिने लकडाउनमा आफुहरु फसेको बताए । बस तथा रेलसेवा सबै बन्द भएको कारण नेपाल आउन नसकेको उनिहरुको भनाइ छ ।
