सुभाष भण्डारी ,बिराटनगर
कोरोना भाइरसको संक्रमण फैलन नदिन सरकारले घोषणा गरेको लकडाउनका कारण दैनिक काम गरेर खाने मजदुर तथा बिपन्न बर्ग भोकै बस्नु परेको छ । यस्तो असहज अबस्थामा त्यस वर्गको जीवनयापनमा सहजता प्रदान गर्न युवा उद्यमीहरुको छाता सङ्गठनको रुपमा रहेको नेपाली युवा उद्यमी मंच विराटनगरले विराटनगर महानगरको अभियानमा सहयाेग गरेकाे हो ।
मंचले आज एक कार्यक्रम बिच महानगरले सुरु गरेको अभियानमा तीन लाख रुपैयाँ बराबरको ३ हजार केजि दाल सहयाेग हस्तान्तरण गरेको छ ।
बिरेन्द्र सभागृहमा एक कार्यक्रमका बिच मंचका अध्यक्ष मनोज बिक्रम शाहले विराटनगर महानगरका मेयर भिम पराजुलीलाई उक्त सहयाेग हस्तान्तरण गरेका हुन् ।
नयाँ सोचको विकास ,एकता , शिक्षा र तालिमको माध्यमबाट उद्यमशिलताको बिकासका लागि युवा उद्यमीहरुलाई अघि बढाउने उद्देश्यका साथ नेपाल चेम्बर अफ कमर्सद्वारा युवा उद्यमी मंचको स्थापना गरिएको हो ।
