विराटनगर चैत्र २७,
विराटनगरको एक पानी उद्योगको सिल प्याक पानीको जार भित्र मच्छर फेला परेको छ । विराटनगर-६ मा रहेको जोनसन जल उद्योगले उत्पादन गर्ने गरेको धवन्तरी नीर पिउने पानीको जारमा मच्छर फेला परेको हो ।
पानीको जारमा मच्छर भेटिएको गुनासो आएपछि विराटनगर महानगरपालिकाकी उपमेयर इन्दिरा कार्कीले सम्बन्धित पानी उध्योगको अनुगमन गरेकी छिन् । अनुगमनका क्रममा तोकिएको मापदण्ड अनुसार उद्योग संचालनमा नरहेको उपमेयर कार्कीले बताइन ।
उद्योगमा शौचालयदेखि मुस्किलले आधा फिटको दूरीमा पानीटंकी र फिल्टर सिलिन्डर जडान गरिएको, उद्योगले भने जस्तो रिभर्स ओसमोसिस, अल्ट्रा भोइलेट र ओजोनेटेड प्रकृया पुरा नगरेको भेटिएको थियो । मोटरबाट तानिएको पानी कुद्ने पाईपमा धुलो फोहर जमेको पाइएको अनुगमन टोलीमा रहेका विराटनगर महानगरका खाद्य अनुसन्धान शाखाका धिरज राईले बताए ।
राइका अनुसार कम्पनी नविकरणनै नगरी संचालनमा रहेको छ । उक्त उद्योगबाट एक जार पानी ल्याब टेष्टका लागि नियन्त्रणमा लिइएको छ बहने उद्योगले नसच्चिए हदैसम्मको कारवाही गर्न आफू बाध्य हुने उपमेयर कार्कीले चेतावनी दिईन । उक्त उद्योग रन्जित साहको नाममा दर्ता भएपनि साहका श्रीमती संगीता साह र प्रेम अभिषेक महतोले संचालन गरिरहेको पाइएको छ ।