विराटनगर चैत २८, विराटनगरमा खाना डेलिभर गर्दै आएको क्विकर फुडले कोरोना भाइरसको जोखिम न्यूनिकरणका लागि सरकारले गरेको लकडाउनमा सहयोग पुर्याउन अन्य सेवा पनि थप गरेको छ ।
मुलुकको अवस्था साथै ग्राहकको समस्यालाई मध्यनजर गर्दै क्विकर फुडले विराटनगरमा खाद्यान्न होम डेलिभरी सेवा सुरुवात गरेको हो । क्विकरले अतिआवश्यक दैनिक उपभोग्य वस्तु ताजा तरकारी, फलफूल, चामल, नब्ज, पीठो, चिनी, नुनका साथै मासु, दुग्घजन्य वस्तुलगायत समाग्री ग्राहकका घर आँगनै पुर्याइदिने भएको छ ।
खाद्यान्न डेलिभरीगर्दा आम जनताको स्वास्थ्य हितका लागि सुरक्षा अपनाएर गरिने क्विकरका सञ्चालक दिवस दाहालले बताए । ५ सय रुपैयाँ माथिको सामान खरिदमा निशुल्क होम डेलिभरी दिने दाहालले जानकारी दिए ।
