विराटनगर - राष्टिय युवा संघ नेपाल विराटनगर महानगर कमिटीले खाद्यान्न वितरणको कार्यलाई जारी राखेको छ । विराटनगर वडा न. १, ७,८ र ११ का अति बिपन्न १५ घर परिवारलाई घर मै पुगी राहत स्वरुप खाद्यान्न सामाग्री वितरण गरिएको हो ।
युवा संघ नेपालकी नेतृ सन्तोषी श्रेष्ठको सहयोगमा राहत वितरण गरिएको हो । सहयोग गर्ने नेतृ श्रेष्ठलाई धन्यवाद दिदै यो क्रम अझै निरन्तर चल्ने राष्ट्रिय युवा संघ नेपाल विराटनगर कमिटी अध्यक्ष सुशील रिजालले बताए । साथै सरकारले जारी गरेको लकडाउनको पूर्ण पालना गर्न समेत रिजालले आग्रह गरे ।
राहत वितरणमा राष्ट्रिय युवा संघ नेपालका रेशम थापा मगर, प्रतीक ढकाल, निरन्जन ढुंगाना, मनिष भट्टराई लगायतको उपस्थिति रहेको थियो ।
