विराटनगर बैशाख २०,
देशमा कोरोना रोकथामको लागि गरिएको लकडाउनले सम्पुर्ण शैक्षिक क्षेत्र प्रभावित बनेको छ । एक महिना बढि लकडाउनले विद्यार्थीलाई प्रभाव पारेको महशुस गर्दै विभिन्न विद्यालयले अनलाइनको माध्यमबाट पढाउने तयारी गरिरहेका छन् ।
यस्तै अनलाइन कक्षा सञ्चालनमा शिक्षकलाई दक्ष बनाउने उदेश्यले अनलाइन कक्षा सञ्चालन तालिम आयोजना हुने भएको छ । विद्यालय तथा शिक्षकको लागि प्रविधिको प्रयोगबाट कक्षा चलाउन सहयोग पुग्ने उदेश्यले उक्त तालिम आयोजना गर्न लागिएको आयोजक जिपि चुडालले बताए ।
बैशाख २२ गते उक्त तालिम आयोजना गर्ने तयारी गरिएको उनले बताए । तालिम निशुल्क रहेको पनि आयोजकले जानकारी दिए ।
