नेपाल फर्मास्युटिकल्स ल्याबोरेटोरी प्रा.लि. को सामाजिक अभियान एन.पि.एल. समाज कल्याण संस्थाद्वारा विराटनगरमा अवस्थित कोशी अस्पतालको कोरोना उपचार केन्द्रका लागि स्वास्थ्य सामाग्री सहयोग गरेको छ । संस्थाले दुई सय थान पर्सनल प्रोटेक्टिभ इक्युप्मेन्ट (PPE), एक सय थान फेस शिल्ड, एक सय थान चस्मा र दुई सय थान केएन ९५ माक्स अस्पताललाई सहयोग स्वरुप उपलब्ध गराएको हो ।
कोभिड १९ को संकटको समय निस्वार्थ भावनाले सेवामा कार्यरत स्वास्थ्यकर्मीहरुको कार्यको सम्मान गर्दै उक्त स्वास्थ्य सामाग्री हस्तान्तरण गरिएको संस्थाले जनाएको छ ।
